රාජ්‍ය බුද්ධි සේවයේ අධ්‍යක්ෂ ජනරාල් සුරේෂ් සලේ මහතා විසින් රොහාන් සිල්වා පියතුමාගෙන් කෝටි 5 ක වන්දියක් ඉල්ලයි.
පාස්කු ප්‍රහාරය සම්බන්ධයෙන් රොහාන් සිල්වා පියතුමා විසින් එල්ල කළ චෝදනාවෙන් තමන්ට අපහාසයක්වූ බව සඳහන් කරමින් රාජ්‍ය බුද්ධි සේවයේ (SIS) අධ්‍යක්ෂ ජනරාල් මේජර් ජනරාල් සුරේෂ් සලේ මහතා විසින් සමාජ සහ ආගමික කේන්ද්‍රයේ (CSR) විධායක අධ්‍යක්ෂ රොහාන් සිල්වා පියතුමාට රුපියල් කෝටි පහක 5 ක වන්දියක් ඉල්ලා එන්තරවාසියක් යවා තිබෙනවා.
පාස්කු ප්‍රහාරය සම්බන්ධයෙන් තමාට එරෙහිව එල්ල කළ චෝදනාව පදනම් විරහිත මෙන්ම තැතිගන්වනසුලු එකක් බවත් තමා එම චෝදනා සම්පූර්ණයෙන්ම ප්‍රතික්ෂේප කරන බවත් සලේ මහතා එම එන්තරවාසියෙන් දැනුම් දී තිබේ.
නීතිඥ ලක්ෂිකා බක්මීවැව මහත්මියගේ මාර්ගයෙන් යොමු කළ මෙම එන්තරවාසියේ සඳහන් පරිදි, පාස්කු ප්‍රහාරය එල්ල කළ මොහොමඩ් කාසිම් මොහොමඩ් සහරාන් නම් පුද්ගලයා තමා මුණගැසී ඇති බවට පියතුමා එල්ල කරන චෝදනාවද, මොහොමඩ් කාසිම් මොහොමඩ් සහරාන් හෝ ඔහුගේ අනුගාමිකයෙකුට හෝ සංවිධානයකට ලද මූල්‍ය ආධාර හෝ සහාය දුන් බව කියැවෙන ප්‍රකාශ සියල්ලද ප්‍රතික්ෂේප කරන බව සලේ මහතා ප්‍රකාශ කර සිටිනවා.
අදාළ පියතුමා සඳහන් කරන කාලයේදී තමා සිටියේ විදේශගතව වෙනත් රැකියාවක නිරතව බවද ඔහු දැනුම් දී ඇත.
මෙම වන්දිය ගෙවීමට අපහසු වුවහොත් දැනුම් දීමකින් තොරව රොහාන් සිල්වා පියතුමාට එරෙහිව අධිකරණමය ක්‍රියාමාර්ග ගැනීමට ක්‍රියාකරන බවද එන්තරවාසියේ වැඩිදුරටත් සඳහන් වෙනවා.
නමුත් මෙම එන්තරවාසියේ සඳහන් වී නැති තව දේකුත් තිබෙනවා.
ඒ තමයි රොහාන් සිල්වලා, සිරිල් ගාමිණීලා ඉස්සරහට දාලා රටේ බුද්ධි අංශවලට තඩිබාලා ජාතික ආරක්ෂාව දුර්වල කිරීමේ වැඩපිළිවෙලක් ක්‍රියාත්මක වෙන බව.
අන්න ඒකෙ මහ මොළකරුවො හොයාගත්ත දවසට ඔවුන්ට නිසි දඬුවම් දීම ජනතා අධිකරණයට භාරයි.
කොහොම උනත් රොහාන් සිල්වට උනේ සිරිල් ගාමිණීට වෙච්චි එකේ අනිත් එක!
දැන් ඉතින් කියන්න තියෙන්නෙ……
කාලා වරෙන්කො පියතුමෝ කියල තමයි 😌
සටහන,
ලියානා මනතුංග – 31 / 08 / 2023
