තමන් ඉරාන ජනාධිපති ඊබ්රහිම් රයිසි හමුවීම ප්රතික්ෂේප කළ බවට පළවන මාධ්ය වාර්තා අසත්ය බව විපක්ෂ නායක සජිත් ප්රේමදාස මහතා පවසනවා.
විපක්ෂ නායකවරයා මේ බව සඳහන් කළේ, සිය X ගිණුමේ සටහනක් තබමින්.
‘රනිල්ගේ’ ජනමාධ්ය ද්වේශසහගත උත්සාහය සම්පූර්ණයෙන්ම ප්රතික්ෂේප කරන බවයි, සජිත් ප්රේමදාස මහතා අවධාරණය කළේ.
සුපුරුදු පරිදි පරාජිත සහ සදාචාරාත්මක බංකොලොත් දේශපාලකයෝ රටේ ජනතාව රවටා තබා ගැනීම සඳහා අසත්ය ප්රචාරවලට යොමු වන බව ද ඔහු පෙන්වා දෙනවා.
සමගි ජනබලවේයේ මන්ත්රී නලින් බණ්ඩාර මහතා මේ සම්බන්ධයෙන් ඊයේ (26) පාර්ලිමේන්තුවේ දී අදහස් පළ කර සිටියා.
එහි දී ඔහු පැහැදිලි කළේ, ඉරාන තානාපති කාර්යාලය විපක්ෂ නායකවරයාට ඉරාන ජනාධිපතිවරයා සමඟ සාකච්ඡාවක් සඳහා වේලාවක් ලබා දී නොමැති බවයි.
ජනාධිපති රනිල් වික්රමසිංහ මහතා ඉරාන ජනාධිපතිවරයා වෙනුවෙන් පවත්වන රාත්රී භෝජන සංග්රහයට සහභාගි නොවීම පිළිබඳ පළවන වාර්තා සම්බන්ධයෙන් මන්ත්රීවරයා අවධාරණය කර සිටියේ, සජිත් ප්රේමදාස මන්ත්රීවරයා ජනාධිපති වික්රමසිංහ මහතා විසින් පවත්වනු ලබන උත්සවවලට සහභාගි නොවන බවයි.