පෞද්ගලික සමාගමක් විසින් කොළඹ වරාය නගරයේ රෝහලක් සංවර්ධනය කිරීම සඳහා වන ව්‍යාපෘතියක් ක්‍රියාත්මක කිරීමට යෝජනාවක් ඉදිරිපත් කරනු ලැබ ඇතැයි රජය පවසයි.
එය අමෙරිකානු ඩොලර් මිලියන 100ක ආයෝජනයක් යටතේ සිදු කිරීමට නියමිත ය.
රජය සඳහන් කළේ, 2023 අංක 2 දරන කොළඹ වරාය නගරය නියෝගවල 2 (ආ) යටතේ එම ව්‍යාපෘතිය නිදහස් කිරීම් හෝ දිරි ගැන්වීම් ප්‍රදානය කිරීම සඳහා සුදුසුකම් සපුරා ඇති බව ය.
ඒ අනුව, එම විධිවිධාන යටතේ අදාළ නිදහස් කිරීම් හෝ දිරි ගැන්වීම් ප්‍රදානය කිරීමටත්, එම ව්‍යාපෘතිය ක්‍රමෝපාය වැදගත්කමක් ඇති ප්‍රාරථමික ව්‍යාපාරයක් ලෙස ගැසට් පත්‍රයේ නියමයක් මගින් ප්‍රකාශයට පත් කිරීමෙන් අනතුරුව එය පාර්ලිමේන්තුවේ සභාගත කිරීමටත් අමාත්‍ය මණ්ඩල අනුමැතිය ලැබී ඇත.
ආයෝජන ප්‍රවර්ධන අමාත්‍යවරයා ලෙස ජනාධිපති රනිල් වික්‍රමසිංහ විසින් ඊට අදාළ යෝජනාව ඉදිරිපත් කරනු ලැබ තිබේ.
