පස්වන ආසියානු පැරා ක්‍රීඩා උළෙලට සහභාගි වන ශ්‍රී ලාංකික ක්‍රීඩකයන් වෙනුවෙන් සමුගැනීමේ උත්සවයක් සඳුදා කොළඹ ජපන් තානාපති කාර්යාලයේ පැවැත්වුණු අතර, එය සංවිධානය කළේ ජපන් තානාපති අකියෝ ඉසෝමතා ය.
උළෙල ඔක්තෝබර් 18 සිට 24 දක්වා ජපානයේ ඒචි ප්‍රාන්තයේ නගෝයා සහ අනෙකුත් නගරවල “Imagine One Heart” තේමාව යටතේ පැවැත්වේ. ක්‍රීඩා 18ක් ඇතුළත් වන මෙම උළෙලට ආසියාව පුරා ක්‍රීඩකයන් සහ කණ්ඩායම් නිලධාරීන් 4,000ක් පමණ සහභාගි වේ.
උත්සවයට යෞවන කටයුතු හා ක්‍රීඩා අමාත්‍යාංශයේ ලේකම් ඒ.එච්.එම්.යූ. අරුණ බණ්ඩාර සහ ශ්‍රී ලංකා ජාතික පැරාඔලිම්පික් කමිටුවේ සභාපති හා දූත පිරිස්ප්‍රධානී බ්‍රිගේඩියර් ඩී.කේ. අළුදෙණිය (විශ්‍රාමික) ද සහභාගි වූහ.
පසුගිය මාසයේ පැවති 20 වැනි ආසියානු ක්‍රීඩා උළෙලේ හෙල්ල ගැසීමේ රන් පදක්කම දිනූ රුමේෂ් තරංග අනුගමනය කරන ලෙස තානාපති ඉසෝමතා ක්‍රීඩකයන්ගෙන් ඉල්ලා සිටියේය. “පදක්කම් සහ ජයග්‍රාහී වේදිකාවලට එහායින් වැදගත් දේවල් තිබේ. සාධාරණ ක්‍රීඩාව සහ ඔබට හැකි උපරිමයෙන් විශිෂ්ටත්වය සොයා යාම,” යැයි ඔහු පැවසීය.
